X
Carita Sunda, Humor, Tatar Sunda

Kulhu

August 15, 2016 0

Mang Jaya, baheula na mah jéger cenah. Kawentar kamana-mana. Dipikasieun kusasaha. Ayeuna mah geus tobat, geus jadi jelema bageur di Kampung Sukamanah. 
.
Hiji mangsa, wanci maghrib di masigit, imam jeung merebot nu biasana sok giliran ngaimaman téh dadak sakala bareng gering. Jadi euweuh nu bisa ngaimaman. Ku sabab Mang Jaya jadi dipikolot ku saréréa, dihayoh-hayoh supaya ngaimaman. Mang Jaya keukeuh teu daék, rumasa da baheula jelema bedegong. Maenya cenah urut jéger ngaimaman, tapi ku disusurung mah maju wéh jadi imam sholat.
.
Rakaat kahiji, Mang Jaya lumayan lancar maca Fathihah jeung surat Al-Ikhlas. Dina rakaat kadua, saanggeus maca Al-Fathihah, terus diaminkeun ku para ma’mum. Mang Jaya teu kadéngé deui sora neruskeun maca surat. Samenit, dua menit, nepi geus ka lima menit, Mang Jaya can kénéh neruskeun maca surat. Ma’ mum ti tukang geus mimiti aya nu dédéhéman. “Ehem, ehem…!!”
.
Teu kungsi lila, Mang Jaya ngalieuk ka tukang bari ngomong, “Kénging teu maca kulhu deui?”
Na atuh éta ma’mum, kabéh ngajawab, “Kengiiiiiingg…!!!”

0

There are 0 comments

Leave a Reply

Your email address will not be published. Required fields are marked *

*

code